دووار

قارشیمدا دوروب اوجا بیر دووار

هئی چالیشیرام

 ووروشورام

 چاتا بیلمیره م .

بوتون دیلک لریم اونا باغلی دی

آمما حاییف اوندان آشا بیلمیره م .

                                         خلقی بیدار ائیله ره م

دلبرا قالمیش بیزه دونیا ثمود و عاد دان

خسرو پرویزده ن , شیرینده ن , فرهاد دان

نئیله سه اینسان اولار آسوده خاطیر هر زامان

غصه سیز , غم سیز یاشار – ائتدیم سووال اوستاد دان

اولما دوراندیش چوخ , درویش احوال اول دئدی

یوخ جاهاندا بیر گوزه ل شئی هرچه باداباد دان

عقل بیدار اولسا پرت ائیلر سنی صبح و مسا

ایچ شرابی , سوک چیخار غم ریشه سین بنیاد دان

اوغلون ایستر مرگیوی , قیز تلخ ائده ر اوقاتیوی

فایدا یوخدور سنه اوولاد دان , احفاد دان

باغی سات , دکانی خرج ائت , ائدیر واریث غلط

خئیر گورمز هر آتا , هر والیده , اوولاد دان

باغی سات , سرباز و توپچی غصه سینده ن اول خیلاص

چونکی باغ دلتنگ ائده ر باغ صاحیبین آرواد دان

چون وورار قامچی باشیندان میللتین سربازلار

توربۀ محمود تیتره ر ناله و فریاد دان

نه جوانه رحم ائده ر , نه پیره نه خان باجی یه

علم ظولمی حرمله تحصیل ائدیب شدداد دان

سات میتیل یورغانی وئر سربازا قورتار جانیوی

ای توکذ باجی مرووت گوزله مه جللاد دان

بابی یم , من ائتمه ره م اندیشه روز حشرده ن

حاجی قارداشلار نییه خوف ائیله میر میعاد دان

چاره یوخ غیری قویوب قاچماق , اوغول آل بیر بیلیت

دیغلار اینسان چیخماسا بو خانۀ برباد دان

دویدو ایستیبداد دان تورک و فرنگ و روم و روس

دویمویور بیلمم نییه ایرانلی ایستیبداد دان

ظولم الین کوتاه ائدین ایش گوسترین ایشسیز لره

تا به کی گلسین سسی ایرانلی نین باغداد دان

علمیده ن بی بهره میللت نئیله سین ای دوستان

ائتمه سین هیجرت , نه یاپسین بو خراب آباد دان

غئیر میللت لر قویار اوولادینا میراث علم

بیر کفن , بیر قدداره قالدی بیزه اجداد دان

خلقی بیدار ائیله مک مومکون می خواب جهلده ن؟

ائیله ره م بیدار "معجز" قورخماسام ایجاد دا دان .

بوگون "آرارات ما" وبلاگیندا 1915 ایله 1917- جی ایل آراسیندا "عثمانلی" و "جاوان تورک لر " دولتی طرفینده ن آپاریلان ائرمنی سوی قیریمی باره ده چوخلو سوزلر اوخودوم .

بو وبلاگین یازیلارینین اساسیندا ائرمنی لرین ادعالارینا گونره , 20- جی عصرین باشلانغیجیندا و " بیرینجی دونیا ساواشی" بویوندا , او زامان کی عثمانلی توپراقلاریندا یئرلشن ائرمنی لرده ن بیر میلیون یاریمی اولدورولوب لر . بو سوزلرین نه قده ر دوز – یانلیش اولماسینا باخمایاراق بیر نئچه جومله , بو فیکیر صاحیب لرینه سوزوم واردیر :

بیرینجی بو کی بونلارین دئدیکلرینه گونره بو " سوی قیریمی " ایییرمینجی یوز ایللیگین باشلانغیجیندا اوز وئریبدیر . بو بیر حالدادیر کی هامان زامان ائرمنی دسته لری ایندیکی" گونئی آذربایجان "ین اورمو , خوی هابئله سالماس شهرلرینده مینلر مسلمان آذربایجانلی نی اولدوردولر و عثمانلی اوردوسو , ائرمنی دسته لرینین شبستر , تبریز و مرنده دوغرو حرکتلرینین قاباغین آلا – آلا  یئنه ده  ائرمنی دسته لری الی ایله اولن آذربایجانلیلارین سایی مین لر نفری آشیر .

ایکینجی بو کی 20 – جی یوز ایللیگین سونلاریندا قوزئی آذربایجان توپراقلاریندا خصوصیله "قاراباغ" دا اوز وئره ن "سوی قیریمی"ن کیملر یولا سالدیلار ؟ مگر ائرمنی اوردوسونون یوروشونده دئییل دیرمی کی مینلر آذربایجانلی اولوب و ایکی میلیونا یاخین آذربایجانلی اوز دوغما یوردلاریندان سورگون اولدولار ؟ و اونون آردینجا آذربایجان توپراقلارینین یوزده 20 فایزی ائرمنی لرین ایشغالی آلتینا گئتدیرکی هله ده ادامه سی وار. ائرمنی لرین بو ائتدیکلری جنایتلر باره ده جاوابلاری ندیر ؟

اوچونجو  بو کی ائرمنی لر دوز دئییرلرسه پس " بویوک ائرمنیستان" خریطه سی کی ائرمنی داشناک لاری , مکتبلرینده اوشاقلارا اوخودوب و دونیا ائرمنی لری ایچینده یاییرلار , ندیر ؟ بو مگر قونشو میللت لر او جومله ده ن آذربایجانلیلارین توپراقلارینا خور باخماق دئییل می ؟

هاچانا کیمی ائرمنی لر , یهودولار تک بو ادعالارا آرخالاناراق اوز چیرکین آماللارینا چاتماق اوچون دونیانی اویدوروب اوزلری ایله ال بیر ائتمک ایسته یه جکلر آللاه بیلیر .   

اوچ گوندو یامان بئکارلامیشیق . ایشیمیز سحرده ن – آخشاما ده ک ائوده اوتوروب دانیشیب , یا دا بیلگی سایار (کامپیوتر ) ایله اویناماق اولوبدور .

دونن آخشام چاغی بئکارچیلیق بیر حدده چاتمیشدیر کی , اوز گتیرمیشدیک " شاه – وزیر " اویناماغا . و حتی اویوندا کوئیست ده اولان پولسوزلارین , یاغا سو قاتانلارین , ایییرمی گونون بویوندا بیر تومن جیبینده پول اولمایانلارین , پولسوزلوق دان ائشیکده احسانی چای ایچیب شام - ناهار یئیه نلرین , بیر گونده اوچ نفره یالنیز ایکی یوز تومن جیب خرجلی یی اولانلارین هابئله التیکه یئمه ییب ناهار یئیه نلرین ساغلیغینا آشیق آتیردیق .

بو گونو بئله باشا چیخاردیق , گوره ک صاباح باشیمیزا نه کول سوورولمالی ییق .

                                        ان الحسین مصباح الهدی و سفینة النجاة

                             " دوغروسودا حسین هدایت چیراغی و نجات گمی سیدیر "

بو گون عاشورا گونودور . بو گون یئرلر ایله گویلرین قان آغلایان گونودور . بو گون قارا پارچالار  آغلار  دسته لر هابئله پوزغون آداملار بوتون شهرلر و کندلرده گوزه چارپیر .

بو حسین کیمدیرکی مین اوچ یوز ایلده ن سونرا یئنه ده بوتون عالم اونون دیوانه سیدیر؟ بو حسین  کیمدیرکی هر ایل اونون فراغیندا گوزلر آغلاییر , اوره کلر کده رلنیر و اوشاقلی  –  بویوکلو  ,  قوجالی  – جاوانلی , کیشی لی – خانیملی هامی نی خییاوانلارا چکیر و اونلاری آیاق یالین اویان - بویانا  سورویور ؟

حسین دئمک اولار کونوللر سولطانی دی . او دور کی اوره کلر بوجاغیندا اوزونه یئر آچیب , اوتراق  ائدیبدیر .  بونون دا هئچ نده نی اولا بیلمز ,  مگر حسینین صداقتی , حسینین دوزلویو , حسینین  ساده یاشاییشی و اونون همیشه مظلوملار ایله , آدامسیزلارا دایاق اولماسی . بونلاردی کی حسینی همیشه دیری ساخلاییب و ساخلایاجاق . و حسینین آدین و یادین دونیا وارکن قالدیراجاق .  

                               ایشیق

اوزاقلاردا

قارانلیق ایچره سیچراییر بیر ایشیق

اوزانیر یولوموز

آددیملادیقجا

قوشقوسوز بیر گون یئته ره م اونا

قوشارام اونونده قوپوزومون قیریلمیش تئللرین ,

باغلارام ایشیغیندا کوکسومون یوز ایللیک یارالارین .

                        دیلک

اولو یوردوم

آیدین لیق اولاجاق .

گول لر- چیچک لر آچاجاق .

یابانجی الینده سیخیلان دیلک لریم

آچیلمایان بومبالار کیمی

هویوشنه یاراداجاق

شایدده بیر گون اودا توتاجاق .

                       بولاغ

باخدیقجا دئیه ردیم :

نه دورودو بولاغین سویو

ایلقاریمیزدا دوز اولسون گره ک .

دوم – دورو سانکی سو اولسون گره ک .

ایندی کی باخیرام دورد بیر یانا

دالیرام خییالا

دوشونوره م

نه خوشوموش دونیادا دوزمک

هر چاغ سئومک , سئویلمک .